एस पी एम पॉलिटेक्निक मध्ये क्रीडा महोत्सव उत्साहात संपन्न"
                कुमठे येथील एस पी एम पॉलिटेक्निक मध्ये दिनांक 4 जानेवारी 2024 पासून संस्थेत क्रीडा महोत्सव साजरा करण्यात आला असून सदर क्रीडा महोत्सव हे कॉलेजमधील विविध विभागात घेण्यात आले आहे. या क्रीडा महोत्सवाचे उद्घाटन संस्थेचे प्रमुख विश्वस्त मा. जयकुमार माने, माजी नगरसेविका प्रियाताई माने, विश्वस्त माननीय स्वाती माने, प्राचार्य रोहिणी चव्हाण यांच्या हस्ते करण्यात आले. सदर क्रीडा प्रकारात क्रिकेट, बुद्धिबळ, कॅरम, खो-खो, कबड्डी, हॉलीबॉल, अशा विविध खेळांचा समावेश करण्यात आला होता. क्रिकेट या क्रीडा प्रकारात कॉम्प्युटर तृतीय वर्षातील विद्यार्थी विजेते तर मेकॅनिकल तृतीय वर्षातील विद्यार्थी उपविजेते ठरले तसेच बुद्धिबळ या खेळात मेकॅनिकल विभागातील प्रथम वर्षातील आदित्य कानडे व मुलींमध्ये इलेक्ट्रॉनिक्स अँड टेलिकम्युनिकेशन इंजिनिअरिंग मधील द्वितीय वर्षातील जरबंडी श्वेता, कॅरम या खेळात कॉम्प्युटर द्वितीय वर्षातील अखिलेश आडम आणि जिशान शेख, मुलींमध्ये मेकॅनिकल प्रथम वर्षातील संदूपटला वैष्णवी आणि चिंता श्वेता, बॅडमिंटन या खेळात कॉम्प्युटर द्वितीय वर्षातील मोनेश मेरुगू आणि अक्षय चव्हाण, मुलींमध्ये तनिषा बोडडू आणि प्राची पात्रे हे विजेते ठरले आहेत वरील सर्व क्रीडा प्रकारातील विजेते व उपविजेत्या विद्यार्थ्यांचे अभिनंदन संस्थेचे प्रमुख विश्वस्त मा. जयकुमार माने, माजी नगरसेविका प्रियाताई माने, विश्वस्त स्वाती माने प्राचार्या रोहिणी चव्हाण यांनी केले.
सदर क्रीडा महोत्सव यशस्वी करण्यासाठी प्रा अनंत चौधरी, श्री सुधीर जाधव, श्री नागेश शिंदे, शैला शिंदे, श्री नागेश ईश्वर कट्टी तसेच सर्व विभाग प्रमुख यांनी विशेष परिश्रम घेतले.